عــــن طـــبــيــعــــة مــدونــتـــي ....أحــدثــكــــــم

بسم الله الرحمن الرحيم

طبعا كل حد بيعمل مدونة لازم يتكلم ويقول هو عامل المدونة دي ليه

وفي مدونتي دي عن السياحة حول العالم

عايزة أقدم ليكم العالم كله بين إيديكم

يعني وانتم خلف شاشات الكومبيوتر تتعرفوا على بلاد العالم كلها من حيث المناطق الأثرية الموجودة فيها إن وجد ومن حيث أشهر المناطق بها وأجمل المناظر الطبيعية

بالإضافة إني عايزة أقدم لكم كمان نبذة صغيرة عن كل بلد علشان اللي عايز منكم يزور البلد دي يكون على إلمام ولو بنسبة بسيطة بطبيعة البلد إللي عايز يزورها

أنا عن نفسي عيوني بتستريح جدا لمشاهدة المناظر الطبيعية الموجودة في كل بلاد العالم وبحس إني فعلا زرت البلد دي

وكمان بتستهويني جدا صور المناطق الأثرية والبيوت القديمة

بستنشق فيها عطر الماضي بأصالته وجماله وبرائته

نفسي تستمتعوا معايا بالمدونة دي وتستفيدوا منها سواء كمجرد معلومات عن بلاد العالم أو أثناء سفركم إذا كنتم من محبي السفر والترحال

دمتم سالمين

و....تــحــيــاتـــــــي